Monday, August 4, 2008

Jab raat ki naagin dasti hai

Jab raat ki naagin dasti hai
Nass nass main zehar utarta hai

Jab chand ki kirnain taizi say
Iss dill ko cheer kay aati hain

Jab aankh kay andarr hi aansoo
Zanjeeron main bandh jaatay hain

Sab jazbon parr chaa jaatay ho
Tab yaad bohat tum aatay ho

Jab dard ki jhanjharr bajti hai
Jab raqs ghamon ka hota hai

Khuwabon ki taal pay saaray dukh
Wehshat kay saaz bajatay hain

Gaatay hain khuwahish ki lae main
Masti main jhoomtay jaatay hain

Sab jazbon parr chaa jaatay hain
Tab yaad bohat tum aatay ho
Posted by at

1 comment:

Mr Happy said...

hi i am an ardent reader of ur posts ...have read most of them,,, why u suddenly stopped writing?????

September 2, 2008 at 2:14 AM

Post a Comment

Subscribe to: Post Comments (Atom)