Meray dushmano say kaho koi

Meray dushmano say kaho koi
Kisi gehri chaal kay ehtamaan ka silsila hi fazool hai
Keh shikast yun bhi qabool hai
Kabhi hoslay jo missal thay, woh nahin rahay

Meray harf harf kay jism per
Jo ma’ani kay par-o-baal thay, woh nahin rahay
Kabhi titliyon, kabhi jugnu’on say sajay phirtay khayal thay
Woh nahin rahay

Meray dushmanon say kaho koi
Woh jo shaam sher-e-wisaal main
Koi roshni si liye huay kisi lub peh jitney sawal thay
Woh nahin rahay

Jo wafa kay baab main wehshaton kay kamal thay, wo nahin rahay
Meray dushmanon say kaho koi
Woh kabhi jo ehd-e-nishat main
Mujhay khud peh itna ghuroor tha, kaheen kho gia
Woh jo fatehana khumar main
Meray saray kha’b nihaal thay
Woh nahin rahay

Kisi dasht-e-lashkar-e-sham main
Meray sur-khuroo mah-o-saal thay, wo nahin rahay
Keh bus ab to dil ki zuban per
Faqat aik qissa-e-haal hai ………
jo Nidhaal hai
Jo gaye dinon ka malaal hai
Meray dushmanon say kaho koi

Kabhi Khud Sey Bhi Bhar Kar koi Dekha hai

Batao Dil Ki Baazi Mein Bhala Kya Baat Gehri Thi
Kaha Youn To Sabhi Kuch Theek Tha Par Maat Gehri Thi

Suno Barish , Kabhi Khud Sey Bhi Bhar Kar koi Dekha hai
Jawab Aaya Un Aanhon Kii Magar Barsaat Gehri Thi

Suno Tum Nay Holey Sey Kaha Tha Kya, Batao Gey?
Jawab Aaya Kaha To Tha Magar woh Baat Gehri Thi

Deya Dil Ka Sumandar Us Ney Tum Ney Kya Kiya Us Ka?
Humien Bus Doob Jana Tha Keh Woh Soghaat Gehri Thi

Waffa Ka Dasht Kaisa Tha Batao Tum Pey Kya Beeti
Bhatak Jana Hi Tha Hum Ko Wahan Par Raat Gehri Thi

Tum Us Key Zikar Par Kyun Doobey Jatey Ho Khyaalon Mein
Rafaqat Aur Adawat Apnii Us Key Saath Gehri Thi

Nazar Aaya Tumhien Us Ajnabii Mein Kya, Batao Gey ?
Suno Qaatil Nigaahon Ki Woh Zalim Ghaat Gehri Thi

Hum Ro Parey

Hum Ro Parey


Be atebaar waqt per jhinjila ke ro parre

Kho ker kabhi usse to kabhi Paake ro parre

Khushiyan humare paas kahan mustaqil rahin

Bahar kabhi hanse to Ghar Aa ke ro paree

Kab tak kisi ke sog main royenge beth ker

Hum khud ko kitni baar yeh samjha ke ro parre

sochta hoon usy neend bhi aati ho gi

sochta hoon usy neend bhi aati ho gi
ya meri tarhan faqat aashq bahati ho gi
wo meri shakal mera nam bholany wali
apni tasweer say kya aankh milati hogi
sham hoty hi chokhat par jala kar shameen
apny palkoon par kayi khowab sulati hogi
is nai silwa bhi liay hon gay siya rang libas
ab moharam ki tarhan Eid mnati ho gi
hoti ho gi mery bossy ki talab mein pagal
jab bhi zulfoon mein koi phol sjati ho gi

Mujhe bahaar ke mausam se nahi kuch lena

Tumhara ishq Tumhara ishq tumhari wafa hi kaafi hai
tamaam umr yehi aasra hi kaafi hai ...

Jahan kahin bhi milo, mil ke muskura dena
khushi ke wastey yeh silsila hi kafi hai ..

Mujhe bahaar ke mausam se nahi kuch lena
tumhare pyar ki rangeen fiza hi kaafi hai ..

yeh log kaun si manzil ki baat karte hain?
musaafiron ke liye tu raasta hi kaafi hai.

is se pehle kee bewafa ho jaaye...

is se pehle kee bewafa ho jaaye...

kyo naa aae dost hum juda ho jaaye...

tu bhi heere se ban gaya pathar...

hum bhee jaane kya se kya ho jaaye...

hum gar teri manzile naa ban paaye too...

manzilon tak ka raasta ho jaaye...

dair se soch me hai parwana hum saa...

raakh ho jaaye tere ishq me ya Fanna ho jaaye...

Aisi bewafi karne ko jee chahta hai

Kee mera khuda bhee mujhse Khafa ho jaye..

bandagi hum ne chhor dee dekho...

kya kare. jab log khuda ho jaaye..

Ae KHUDA tu mujhe jawab de

Ae KHUDA tu mujhe jawab de
kyon wo chala gaya mujhko chod ke

hum to uski jhalak ke deewane the
uske chand se chehre ke parwane the

uski baaton ko dil lagai bethe hen
uska naam bar bar kehte hen

wo, jo bine bole baat samjha de
aur hume humise chura le
uske saath hum apne sapne saja le

aaj is tanhai me rota hai ye dil
tujhko bulata hai ke ek dafa mil

tum na ae, ae gi tumari yaad hume
tumne chod diya, chodenge nahi ghum hume

tere bin zamane ka samana na kar paen gen
tere bin hum yun hi duniya se chale jaen gen

ye sun kar tum meri kabar pe mat aana
na hi koi phool lekar koi ansoo bahana

kyon ke hum tujhse apna rishta tod lenge
mera KHUDA tera saath kisi aur se jod denge...!