Sittam yeh hai vohi deta rahaa sadaa mujh ko

Sittam yeh hai vohi deta rahaa sadaa mujh ko,
Voh aik shakhs pathar banaa gya mujh ko,
Thakey badan kay kinaaron mein qaid hoon varna,
Na rok sakta pahaadon ka silsilaa mujh ko,
Voh main sahi koi nazar aaye tou mujh jaisaa,
Gubaare waqt kabhi aaina dikhaa mujh ko,
Ghirey rahe merey atraaf nitt naye baadal,
Fareb deti rahi ummar bhar havaa mujh ko,
Banaa rahaa hoon har aik rukh se sham ka manzar,
Padaa hai doobtey ranggon se vaasta mujh ko,
Kahin yeh na ho bikhar jaoon tere daaman par,
Main khaak hoon tou zaraa dekh kay udaa mujh ko,