Dastak pay mere haath ki khul jaao kisi din

Dastak pay mere haath ki khul jaao kisi din

Chehre pay mere zulf ko phailaao kisi din

Kyaa roz garajte ho baras jaao kisi din

Raazon ki tarah utro mere dil mein kisi shab

Dastak pay mere haath kii khull jaao kisi din

Pedon ki tarah husn kii baarish mein nahaa loon

Baadal ki tarah jhoom kay ghar aao kisi din

Khushbuu ki tarah guzro mere dil kii gali say

Phuulon ki tarah mujh pay bikhar jaao kisi din

Phir haath ko Khairaat mile band-e-qabaa ki

Phir lutf-e-shab-e-vasl ko dohraao kisi din

Guzrein jo mere ghar say tou ruk jaayein sitaare

Iss tarah meri raat ko chamkaao kisi din

Main apnii har ikk saans usii raat ko dey doon

Sarr rakh kay mere siine pay so jaao kisi din