MUJH KO EK HAMDAM MILLA

MUJH KO EK HAMDAM MILLA THA EKSAFAR KI RAAT MAIN
MAIN BUHAT BEKHUD HOA THA EK SAFAR KI RAAT MAIN

JANAY KIS KI YAAD THI EK MUNZAR KO DEKH KAR
TOOT KAR MAIN ROO PARA THA EK SAFAR KI RAAT MAIN

WHO KAY JISS SAY EK UMMER BHAR KI DOORIYAN MANSOOB HAIN
MEREY SEENEY SAY LAGA THA EK SAFAR KI RAAT MAIN

HER TARAF PHALAY HOEY THAY YAAD-E-GHAM KAY SILSILAY
KITNA HI MUSHKIL RAASTA THA EK SAFAR KI RAAT MAIN

GHAR SAY BAHIR PAON RAKHTAEY HI LARAZ UTHTA HAY DIL
HADSA KUCH AISA HOA THA EK SAFAR KI RAAT MAIN

AAJ BHI GUNGUNATA HOON USAY TANHAI MAIN
GEET JO HUMNAY SUNNA THA EK SAFAR KI RAAT MAIN