Kyun Dil mera Muddat sa

Muddat sa jiss ka waaste Dil ba qaraar tha
Woh laut kar na aaya magar intezaar tha

Jo humsafar tha chor gaya raah ma mujhe
Ma phans gayee bhanwar main woh darya ke paar tha

Manzil qareeb aayi to tum door hogaye
Itna to tum batao ka yeh kaisa Pyaar tha

Chilman giradi yeh kis ne dono ke darmiyan
Na woh sakoon se betha, na mujh ko qaraar tha

Yeh mukhtasar sa haal hai rukhsat ke waqt ka
Ankhon main aansu aur Dil beqaraar tha

Yeh baat umer bhar samjh na paayi ma
Kyun Dil mera us ka talabgaar tha