Kis tarah ye Gam bhuul jaayein ham

Kis tarah ye Gam bhuul jaayein ham,
Voh judaa huaa iss bahaar mein,

Din guzar gayaa aitbaar mein
Raat kat gayi intezaar mein,
Voh mazaa kahaan vasl-e-yaar mein,
Lutf jo milaa intezaar mein,
Un kii ikk nazar kaam kar gayi,
Hosh abb kahaan hoshiyaar mein,
Mere kaase mein kaayenaat hai,
Main huun aap kay iKhtiyaar mein,
Aankh tou uthii phuul kii taraf,
Dil ulajh gayaa husn-e-khaar mein,
Tum say kyaa kahein kitane Gam sahe,
Ham nay be-vafaa tere pyaar mein,
Fikr-e-aashiyaan har Khizaam kii,
Aashiyaan jalaa har bahaar mein,
Kis tarah ye Gam bhuul jaayein ham,
Voh judaa huaa iss bahaar mein,